الوساده الخاليه.......... على نمط اليومين دول......وعلى كيف كيفك

يا اخوانا انتوا مش ملاحظين ان الكلام الحلو والتعبيرات الرومانسيه زادت

قوى اليومين دول دى مش بس زادت دى رطرطت

حبيب قلبى نور عينى انت فينك يا قمر واحشنى يا غالى



وطبعا كلنا مش ها ننسى لبنى عبد العزيز وعبد الحليم فى فبلم الوساده الخاليه

ومكالمات التليفون اللى كانت بينهم طول اليل

ولبنى بتقوله بصوتها اللى بيدوخ

اقفل يا صلاح وصلاح مش عايز يقفل



طبعا لبنى وعد الحليم كانوا بتكلموا طول الليل من غير اى مشاكل لان مصلحه التليفونات

فى وقتها كانت بتدفع فلوس للى بيتكلموا علشان تشجع الناس يتكلموا



نرجع لموضوعنا

ولبنى بتقوله بصوتها اللى بيدوخ اقفل يا صلاح

وصلاح مش عايز يقفل

كانت بتقول (يا صلاح)يا جماعه بطريقه خلتنى اعيد الثانويه العامه علشان احسن مجموعى



يلا يا جماعه نستعرض لبعض حاجات مكانتش موجوده زمان




يعنى مثلا تلاقى اللى بتكلمك فى آخر الكلام بتقولك
يلا باى

ايه يلا باى دى
يلا يلا باى سى يو بقى
كانها مش قادره تسيبك بس يلا باى



حاجه كمان تلاقى اللى بتكلمك برضه فى آخر الكلام بع ساعتين

ضحك وكلام و فرفشه قبيحه م اللى قلبك يحبها

وفجأه تقولك لا اله الا الله

محمد رسول الله يا اخوانا ذكر الله جميل و كل حاجه

بس دى ايه موقعها هنا



خودوا دى كمانلما تكون بتقفل مع واحده

وتقلاها يلا سلام

تلاقيها بترد عليك يلا باى و

take care

تيك كير كده فى المطلق طيب اتيك كيير من ايه

هى بتكلمنى و ان بتسلق جبل المقطم و خايفه اقع و تطير رقبتى

ولا بتكلمنى وانا رايح اعمل خناقه مع جماعه فى الدويقه و احتمال ما ارجعش تانى

حقيقى لا اله الا الله



فى واحده كمان لما تكون نايم وتقوم ترد على التليفون فتقول آلو

تلاقى اللى بتكلمك مره واحده ومن غير سابق مقدمات

تتخض ايه مالك صوتك مش عاجبنى

((ياجماعه انا مقولتش غير آلو ))

طبعا مش هاتسيبها تتخض كده على الفاضى هاترد عليها

ابدا مفيش حاجه اصل عندى شويه انفلوانزا

تروح مخضوضه تانى

لا مش ممكن ومروحتش للدكتور

((هى الوليه دى بتصوت على مين انا قولتلها انى عندى انفلوانزا عادى مش انفلونزا الطيور))

لأ مش ممكن انت لازم روح للدكتور سامع واعمل

cheak up

علشان صوتك مش عاجبنى



وعلى كده بقيت شايف كل اللى حواليا نازلين حب فى بعض و خوف على بعض

كل الاوقات حلوه

وكل اللقاءات سبايسى

وكل النظرات حساسه

لحد ما بقيت شايف البلد مليانه حب

يا ناااااااااااااااااااااااس

شويه كراهيه بقى

عالعموم انتوا هاتوحشونى من الموضوع للموضوع

وحتى اللى مش بيقرى الموضوع دلوقتى بيوحشونى موت



عالعموم انا مش هانام لحد الموضوع الجاى

يلا بقى

يلا باااااااااااااااااااااااااااااااااااى

see yooooooooooooooh

واعملوا

cheak up

علشان صوتكوا مش عا جبنى

يلا باااااااااااااااااااااااااااااااااااااااااااااااااااااااااااااااااااااااااااااااى