مواقف محرجه جدا

موضوع: مواقف محرجه جدا السبت أغسطس 29, 2009 5:18 am

تذكير بمساهمة فاتح الموضوع :

كلنا بنتعرض لمواقف محرجة......كدة ولا لأ

ومش بنحب نفتكرها ...بس هي عمرها ما بتتنسي

في علم النفس بيقولو ان الحاجات اللي زي كدة مصيرها النسيان

بس أنا شايفة ان الحاجات دي عمرنا ما بننساها......ولا انتو ايه رأيكو؟

أنا عايزة كل واحد أو واحدة ......"علشان ما يبقاش في تفرقة عنصرية"

يقرأ أو تقرأ الموضوع ده يكتبلنا عن موقف محرج حصل له وما فيهاش حاجة يعني

هستنى ان كل واحد يكتب موقف محرج حصل له مواقف محرجه جدا - صفحة 2 Polling

أبدأ بنفسي:

احم احم

مرة كنت بهزر مع واحدة صحبتي وبقولها :
اطلعي فوق يا مطرودة ـ ملحوظة ـ الأستاذ كان طردها من الحصة المرة اللي فاتت...كانت جاية متأخر.

المهم... وأنا بشاور لها بايدي لفوق كدة يعني مواقف محرجه جدا - صفحة 2 Don-t_mention

سمعتلكوا صوت حد اتلسع ألم على وشه

ببص ورايا...احم.. قصدي فوقي...لقيت خير اللهم اجعله خير

واحد ...شاب يعني...أطول مني بمراحل حاطط ايده على وشه وبيقول:

آه

اتضحلي اني انا اللي لسعته بالألم....قولتله:

آسفة بجد مكنش قصدي أنا كنــــ

راح مشاورلي بايده وقال :

خلاص ما حصلش حاجة

طبعا اتحرجت جدا ....بس اللي يغيظ في الموضوع ان صحبتي فضلت تضحك كتير قوي

أنا :الله يحرقك بتضحكي على ايه ...انا مش فاهمة

برده قعدت تضحك ...بيتهيألي انها لسة بتضحك لحد النهاردة.....

بس خلاص ايه انتو ما صدقتوا ولا ايه.....

مرة تانيه خالص غير الأولنيه دي

كنت ماشية في الشارع ولابسة اخضر في اصفر

سمعتلكوا واحد من الوحايد الكتير اللي في الشارع بيقول قصدي بيعاكس يعني:

ايه ده يا قمر ..بيقولو اتصالات عاملة شغل جامد قوي.....

قام صاحبه اللي كان ماشي معاه قال:

شغل جامد ايه ياعم دي الشبكة واقعة ....

طبعا بغبائي بصيت على هدومي وهم فضلوا يضحكو....عرفوا يثبتوني...كلاب

مرة تالتة غير المرتين دول خالص

كنت رايحة درس والدرس ده كان في مدرسة

وكان في صبيان قاعدين جوة بيعاكسو اي ناموسة تعدي من قدامهم

فالفراش هزأهم وقالهم:

اطلعوا برة المدرسة وبطلو تعاكسو البنات "ملحوظة" الكلام ده كان في دخلتي

راح ولد منهم بص لية وقاله:

هم فين البنات دول ياعم.....

طبعا اصحابه فضلو يضحكو كتير قوي ...وأنا زي القلة بالظبط معدية من قدامهم
وبقول:
احم ..احم ...ايه الاحراج ده على الصبح

كفاية عليكو كدة النهارده

بس امانة هستنى مواقفكم المحرجه....ماشي ....خلاص اتفقنا

هههههههههههههههههههههههههههه
لا حلوه بتاعت النابت دى