#كرسي الاعتراف#

تذكير بمساهمة فاتح الموضوع :

اهلا ومرحبا بكم يا احسن اعضاء

#كرسي الاعتراف# - صفحة 2 95430998sb4

#كرسي الاعتراف#
***
وها نحن على بساط من الاخوه الصادقه نلتقي
***
نلتقي لنجدد عهود الوفاء لمن هم اوفياء لهاذا الصرح
***
نعود ونحن نحمل معنا ازاهير روض لم تزلتنشر العبير الفواح وتنور لنا كل زاويه من زوايا منتدانا الغالي
***
حيث البسمه **حيث الصفاء**
هناك لوحه تزخرف ب اسماء محبين منتدانا الجميل
***
لكي يسجل على احدي اركانه سجل الاعضاء
***

على كرسي الاعتراف

هو موضوع ليتم التقارب والتعارف بين اعضاء منتديات مزيكا ليك وذلك لتقوية علاقات الاخوه
ولازالة الحواجز ولمعرفة جزء من شخصيات ضيوفنا الاعزاء
****
اولا الضيوف دول هيبقم من الادارة او المشرفين او من الاعضاء يعنى كلنا حسب اختيار الاعضاء الضيوف على الكرسى قبل مينزل من على الكرسى يرشح واحد بالجلوس مكانة
###
ثانيا:سيفتح موضوع خاص باسم كل ضيف خلال فترة جلوس العضو على الكرسي وهي اسبواع وبعد ذلك يتم اغلاقه ومن ثم فتح موضوع اخر باسم ضيف جديد
###

ثالثا :يتطلب من الضيف الرد على جميع الاسئله التي يرغب بها مع الالتزام بعامل الوقت المحدد ودون تاخر
###

رابعا:للضيف حق الامتناع في الرد على سؤال واحد من جميع الاسئلة المواجهة الية التي لا يرغب بالاجابة عليها
###

خامسا:والاهم يمنع منعا باتا الاسئله الخارجه عن الموضوع والغير هادفه وان تكون الاسئله مباشره وواضحه
والدخول للحلقه للترحيب بالضيف او للاسئله فقط ويمنع التعليق او كتابة موضوع اخر
###

سادسا:يحق للعضو باكثر من سؤال

###

سابعا:الابتعاد عن السب والشتم حتى وان كان مزاحا
###

الثامن:تمنع التعليقات على الردود حتى لايتم تغيير مسار الحوار الى ساحة دردشه
###

واخيرا نتوقع من كل عضو يشارك بالاسئله ان يقبل الاستضافه فنحن اسرة واحده ونؤمن بالاخذ والعطاء

اتمنى من الجميع التقيد بهذه الشروط
***
والتفاعل مع الضيف
***
ليكون هذا الموضوع حلقة تواصل بين الاعضاء
واي عضو يخالف هذه القوانين
سيتم حذف ردوده المخالفه وسيتم تقليل احترامة فى المنتدى
***

ولكم جزيل الشكر والامتنانا من تحياتى

واول عضو هنختاره يكون معانا ونسئله هو .............

MR_Mido

- ماذا تعني لك الصداقة؟ ومين اقرب صديق ليك في الحياة؟ ومين اقرب صديقة ليك جوه المنتدى؟2

2-كل شخص مننا جواه نسبة حزن ياترى نسبة الحزن جوه ميدو كام في المية؟

3- مين اقربلك وبتحس انه فاهمك اكتر والدك والا والدتك ؟؟؟

4- ايه الموضوع اللي اتكتب في المنتدى هنا واتمنيت بينك وبين نفسك انك كنت صاحب الموضوع؟؟؟

5- مين الصديق اللي ممكن تعتبره قدوة ليك وتتمني تكون زيه؟؟

6- لو حبيت شخص مش حاسس بيك ياترى تعمل ايه ؟؟؟؟

7- ايه النيك نيم اللي كتبته ع الماسنجر وكنت حاسة انه بيعبر عن ميدو كويس؟؟؟ وايه النيم اللي حد من اللي ضايفاهم كتبه وعجبك واتمنيت تكتبه؟؟
- هاقولك كلمات توجها لاشخاص في اعضاء المنتدى
- بحبــــــــك
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا
- انت دمك خفيف اوى
- انت شخصية قوية تتحمل الصعاب

هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟
ايه العيب اللي شوفته في ميدو وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟
ddddddddd

ماذا تعني لك الصداقة؟ ومين اقرب صديق ليك في الحياة؟ ومين اقرب صديقة ليك جوه المنتدى؟2
الصدقة شئ جميل اقرب صديق فى الحياة هيما واقرب صديقة من المنتدى بيوتى جيرل
2-كل شخص مننا جواه نسبة حزن ياترى نسبة الحزن جوه ميدو كام في المية؟
100 % والله ويمكن اكتر
3- مين اقربلك وبتحس انه فاهمك اكتر والدك والا والدتك ؟؟؟
الاتنين
4- ايه الموضوع اللي اتكتب في المنتدى هنا واتمنيت بينك وبين نفسك انك كنت صاحب الموضوع؟؟؟
دى مواضيع كتير
5- مين الصديق اللي ممكن تعتبره قدوة ليك وتتمني تكون زيه؟؟
محبش انا احط حياتى على حيات واحد تانى
6- لو حبيت شخص مش حاسس بيك ياترى تعمل ايه ؟؟؟؟
هحاول افهمه ولو مفهمش هقولة بحبك
7- ايه النيك نيم اللي كتبته ع الماسنجر وكنت حاسة انه بيعبر عن ميدو كويس؟؟؟ وايه النيم اللي حد من اللي ضايفاهم كتبه وعجبك واتمنيت تكتبه؟؟
انتى تقصدى الكومنت لو قصدك الكومن يبقى اذا كانت الحياة تقاس بالسعادة فاكتبو على قبرى مات قبل انا يولد
مش عارف فى كومنتات حلوة بتنحط من ناس معينة
- هاقولك كلمات توجها لاشخاص في اعضاء المنتدى
- بحبــــــــك
لى الجماعة بتوع بورسعيد الى معنا فى المنتدى ولى احسن اخت لية بيوتى جيرل
- مواضيعك ممتازة
الملاك الحارس وبيوتى جيرل واليكس مون وهانى وحمادة سيكس وزيزو ودارك انجل وميتو والناس الى معنا
- انت فين وغايب عننا ليه
لى كل الاعضاء الى غايبين
- المنتدى وحش من غيرك
من غير فريق الادارة بالكامل مشرفين ومرقبين ومدير
والاعضاء كمان
- رأيك بيعجبنى
مش عارف بس فى ناس كتير بحب اخد رايهم بم انهم اكبر منى عادى يعنى
- انت شخصية محبوبة جدا
بيوتى جيرل
- انت دمك خفيف اوى
بيوتى جيرل
- انت شخصية قوية تتحمل الصعاب
ههههههههههههههه هيى دى الى مشفتهاش بقى
هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟
هوة حصل وبجد انا بقول ربنا يسمحة واقولة روح منك لله دمرت حياتى
ايه العيب اللي شوفته في ميدو وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟
مقدرش احكم على نفسى يا بيتوى جيرل ولا اقدر اطلع عيب فى نفسى

#كرسي الاعتراف# - صفحة 2 959149

لو هاتسافرفى مكان ومطلوب منك تاخد شخصين بس معاك تختار مين؟؟؟

18- دموع ميدو سهله حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟

19-ايه الاسئلة او الجمل اللي توجها لكل من: (كل واحد سؤال او جملة )
_hon2077
Alex.moon
Dark_angel
Mada
Meto
الملاك الحارس
Bueaty girl
دى جى مزيكا

يه البلد اللي تحب تزورها؟؟

يه السؤال اللي كنت تتمنى انى ماسألوش ؟؟؟
أجمل أيام الدراسه بالنسبه لكِ (ابتدائى .. اعدادى .. ثانوى ..جامعه ) ؟؟؟ ولماذا ؟؟؟
متى تشعر بالرغبه فى اغلاق الباب على نفسك والجلوس معها بعيد عن الناس ؟؟؟
ما هو أكثر تصرف يجعلك تفقد أعصابك سريعاً وتثور بشده ؟؟
لو شفت حد بيضرب طفل في الشارع (مش ابنه طبعا) تتدخل والا تقول وانا مالي
لمن تقول لو سمحت اسكت؟
اوصف نفسك فى سطر واحد.....

لو هاتسافرفى مكان ومطلوب منك تاخد شخصين بس معاك تختار مين؟؟؟
هيما وبس

دموع ميدو سهله حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
لالا صعب اكيد واحد مش قريب منى

_hon2077
زى اخويا الكبير وحبيبى وطيب

Alex.moon
شكلها طيبة

Dark_angel
حبيبى الفاشل ههههههههههههههههه اخويا وبحبة وطيب اوى
Mada
مللك الريمكسات واخويا الكبير وبحبة وطيب جدا
Meto
ولونى زعلان منة بس بحبة والله وطيب جدا واخويا بردو
الملاك الحارس
حبيبى ربنا يوفقة يارب فى درستة ويخلية
Bueaty girl
اسم على مسمة البنت الحلوة الشقية الى دمها خفيف واحسن اخت فى الدنيا كلها ربنا يخليها ويكرمها يارب
دى جى مزيكا
؟؟؟؟؟؟؟؟؟
لا تعليق
#كرسي الاعتراف# - صفحة 2 959149

يه البلد اللي تحب تزورها؟؟
اى بلد تكون فيه حب

يه السؤال اللي كنت تتمنى انى ماسألوش ؟؟؟
مفيش والله انا سعيد انى بلقى الناس بتسالنى وبتشارك

أجمل أيام الدراسه بالنسبه لكِ (ابتدائى .. اعدادى .. ثانوى ..جامعه ) ؟؟؟ ولماذا ؟؟؟
الابتدائى يمكن كلة يستغرب بس والله دى احسن ايام الحياة

متى تشعر بالرغبه فى اغلاق الباب على نفسك والجلوس معها بعيد عن الناس ؟؟؟
مع مين
انت تقصدى لوحدى كدة والله على طول

ما هو أكثر تصرف يجعلك تفقد أعصابك سريعاً وتثور بشده ؟؟
القى واحد بيتكبر علية او واحد يدينى معاد وميجيش

لو شفت حد بيضرب طفل في الشارع (مش ابنه طبعا) تتدخل والا تقول وانا مالي؟
عادى ادخل اعرف فى اية واشوف بقى لو الواد غلطان نحاول نرضى الراجل دة

لمن تقول لو سمحت اسكت؟
لـ اى حد بكون عايز يحسسنى انى جاهل

اوصف نفسك فى سطر واحد.....
حياة بلا معناه او حياة مفقدة او حياة غير موجود فيها الـ الحزن واليأس والجرح

انا كدة قضيت الاسبوع على الكرسى حقى اختار الى هيعد مكانى
وانا اختارت
بيوتى جيرل

]يلا نبدأ بالراحه كده مع شوية أسئلة على ما تظبطى الطاسه بكوباية الشاى
اسمك ؟

عندك كم سنة ؟

منين ؟

مين الشخص اللى موجود ومش موجود وحاضر وهو غايب ؟؟

2 ) من هو توأم روحك ...؟؟

3 ) أكتر حاجه بتخافى منها فى حياتك ؟؟

4 ) ايه الجريمة اللى نفسك ترتكبيها ؟؟

5 ) لو قدامك ورقه وقلم ... تكتبى ايه ولمين ؟؟

6 ) اسم حبيبك ايه ؟؟

7 ) كام قصه حب عشتيها ؟؟

فاصل ونعود

عدنا

ندخل بقى على الإحراج

8 ) بتكلمى ولاد ع النت ؟؟

9 ) عندك كام ولد ع الميل ؟؟

10 ) ايه حدود علاقتك بيهم ؟؟

11 ) لو اخوكى جه وإعترض على كلامك مع اصحابك الولاد ع الميل ورفض انك تكلميهم تانى ... هتعملى ايه ؟؟

12 ) لو صاحبتك قالتلك انها إتعلقت بولد ع النت او حبته ... تقوليلها ايه ؟؟

13 ) الا صحيح انتى مقتنعه بحب النت ؟؟

14 ) طب حبيتى قبل كده ع النت ؟؟

15 ) لو حبيتى ممكن تحكيلنا كانت القصه ماشية ازاى وهل هى مستمرة دلوقتى ولا إنتهت ؟؟

16 ) لأى درجه ممكن تضحى من أجل الحب ؟؟

17 ) مواصفات فارس أحلامك ؟؟

18 ) هل لاقيتى المواصفات دى فى أحد الأعضاء الولاد هنا ؟؟

19 ) ايه رأيك فى الحب من طرف واحد ؟؟

20 ) لو ليكى حد قريب منك بيحب من طرف واحد ... تنصحيه بايه ؟؟

مين الشخص الى فى المنتدى الى حاسة انه قريب جدا منك تختارى بنت وولد ؟

مين اغلى انسان معنا فى المنتدى ؟

مين احسن واحد انتىشايفة من نظرك عامل مجهود فى المنتدى ؟

كفاية كدة على محضر شوية كمان
ربنا معاكى
[/size]
[/size]

MR_Mido كتب:: ]يلا نبدأ بالراحه كده مع شوية أسئلة على ما تظبطى الطاسه بكوباية الشاى
اسمك ؟
خلود
عندك كم سنة ؟
18سنه
منين ؟
من الزقازيق
مين الشخص اللى موجود ومش موجود وحاضر وهو غايب ؟؟
مستر ميدو
2 ) من هو توأم روحك ...؟؟
hana
3 ) أكتر حاجه بتخافى منها فى حياتك ؟؟
الظلم
4 ) ايه الجريمة اللى نفسك ترتكبيها ؟؟
ساعت لما اكون مدايقه اوى ببقى عايزه اموت نفسى

5 ) لو قدامك ورقه وقلم ... تكتبى ايه ولمين ؟؟
اكتب فيها وحياه ماقلبى اديته ليك اياك تخيب املى فيك مبقاتش بخاف فى الدنيا دى غير عليك...........اكتبها اللى بحبه
6 ) اسم حبيبك ايه ؟؟ اسمه محمد

7 ) كام قصه حب عشتيها ؟؟هى قصه واحده
وكان فى واحده كمان بس مش حصل نصيب

فاصل ونعود

عدنا

ندخل بقى على الإحراج

8 ) بتكلمى ولاد ع النت ؟؟
اه
9 ) عندك كام ولد ع الميل ؟؟
22 بس مش كلهم بكلمها وفى ناس انا بعتبرهم اخوات وناس مش اكتر من ازيك وسلامات
10 ) ايه حدود علاقتك بيهم ؟؟
صادقه واخوات مش اكتر
11 ) لو اخوكى جه وإعترض على كلامك مع اصحابك الولاد ع الميل ورفض انك تكلميهم تانى ... هتعملى ايه ؟؟
هتكلم معه براحه واحاول افهمه لو مش وافق مش هكلامهم بس هفتح اسلم عليهم من وقت لتانى
12 ) لو صاحبتك قالتلك انها إتعلقت بولد ع النت او حبته ... تقوليلها ايه ؟؟
بص هو فى ولاد اعوذبالله منه لكن برضو فى ناس محترمه كتير هو لو بيحبها بجد يجى يتقدم فى البيت
13 ) الا صحيح انتى مقتنعه بحب النت ؟؟
اه عشان انا كنت فى فتره متعلقه بشحض من النت بس بجد هو انسان محترم اووى
14 ) طب حبيتى قبل كده ع النت ؟؟
كنت هحب اتعلق بيه وكان نفسى كمل بس مش حصل نصيب
15 ) لو حبيتى ممكن تحكيلنا كانت القصه ماشية ازاى وهل هى مستمرة دلوقتى ولا إنتهت ؟؟
عادى كنت بحب اتكلم معاه كتير واحكيله عن كل حاجه وحسيت انه قريب منى اوى
لا هيا مش مستمره احنا اصحاب دلوقتى

16 ) لأى درجه ممكن تضحى من أجل الحب ؟؟
انا ممكن اضحى بروحى عشان اللى بحبه بس لو بيحبينى بجد
17 ) مواصفات فارس أحلامك ؟؟
انه يكون انسان محترم ويعرف ربنا ويحبينى ويخاف عليا وانه يكون طيب وحنين
18 ) هل لاقيتى المواصفات دى فى أحد الأعضاء الولاد هنا ؟؟
اه لقيتها
19 ) ايه رأيك فى الحب من طرف واحد ؟؟
اصعب حاجه على الانسان
20 ) لو ليكى حد قريب منك بيحب من طرف واحد ... تنصحيه بايه ؟؟
يقول اللى بيحبها انه بيحبها ولو مش قادر يبين حبه ليها وهيا اكيد هتفهم
مين الشخص الى فى المنتدى الى حاسة انه قريب جدا منك تختارى بنت وولد ؟
مستر ميدو وهانى ودارك بنت لا لسه مش عرفت ولا بنت فى المنتدى
مين اغلى انسان معنا فى المنتدى ؟
مستر ميدو
مين احسن واحد انتىشايفة من نظرك عامل مجهود فى المنتدى ؟

هما كله عاملين شغل جامد لو بنت اليكس مون
لو ولد فى كتير الحقيقه كله كويسين
كفاية كدة على محضر شوية كمان
ربنا معاكى
[/size]

[/size]

من هو توأم روحك ؟

ماهو اكثر شئ تخشاه ؟

مالذي يشعرك بأكثر قدر من الحرج ؟

شخص تحتاج لقربه الآن منك ؟؟

متى تغضب ؟

باقة ورد لمن تهديها ؟

باقة شوك لمن تهديها ؟

شخص لاترفض له طلبا ؟

ماهي أعظم صفة تفضلها ؟

-وماهي اكره صفة تنبذها ؟

-أعظم شيء فقدته ؟
_________________

dark_angel كتب:

من هو توأم روحك ؟
hana

ماهو اكثر شئ تخشاه ؟
ان حد يزعل منى

مالذي يشعرك بأكثر قدر من الحرج ؟
لما حد يسألنى سؤال محرج ومعرفش اجاوب عليه

شخص تحتاج لقربه الآن منك ؟؟
الانسان اللى بحبه

متى تغضب ؟
لما حد يتكبر عليا وهو ولا حاجه

باقة ورد لمن تهديها ؟
اهديها لانسان انا بعزه وبحترمه جدا

باقة شوك لمن تهديها ؟
لا مش لحد

شخص لاترفض له طلبا ؟
كل انسان بحترمه وبقدره مش ممكن ارفضله طلب

ماهي أعظم صفة تفضلها ؟
الطيبه والاخلاص

-وماهي اكره صفة تنبذها ؟
الكره والظلم
-أعظم شيء فقدته ؟لا الحمد لله
_________________

ونرجع تانى نسال بيوتى جيرل ونقول

اولا
1_ هل انت تفعل ما تقوله هنا بالمنتدى ؟
2_ اعتذار تريد ان تقدمه لمن؟
3_ ما ردة فعلك عندما يقول لك حبيبك : أحبك نعم أتزوجك لا ؟
4_ ماذا ستكتب لنا لتعبر عن حياتك التي عشتها الى الان في كلمات قليله ؟
5_ اذا اردت ان تبكي الان , فعلى من تبكي؟
6_ من ستختار ليمسح دموعك ؟
7_لو خيروك بين حبيبك وبين اعز صديق فمن تختار ؟
8_ماهو تقييمك لهذا المنتدى بصراحه ؟
9_ من يسكن قلبك؟
10_ هل تعتقد ان حظك سيئ؟
11_ هل تدخل الشات ؟
12_ هل هزمك حزنك في يوما من الايام؟
13_ ((مستحيل انساك)) لمن تقولها ؟
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
15_ (( انت كل شيء بحياتي )) لمن تقولها ؟

فاصل ونعود مع اغنية نانسى عجرم

لو خيروك بين حبيبك وبين اعز صديق فمن تختار ؟

MR_Mido كتب:: ونرجع تانى نسال بيوتى جيرل ونقول

اولا
1_ هل انت تفعل ما تقوله هنا بالمنتدى ؟
الحقيقه ساعت اه وساعت لآ

2_ اعتذار تريد ان تقدمه لمن؟
للانسان اللى حبى بجد ومش قدرت اكمل معاه بقول بجد انا اسفه
3_ ما ردة فعلك عندما يقول لك حبيبك : أحبك نعم أتزوجك لا ؟[/ابعد عنه وانسه عشان مش يستحق انى احبه ولا افكر فيهcolor]
[color=yellow]4_ ماذا ستكتب لنا لتعبر عن حياتك التي عشتها الى الان في كلمات قليله ؟[/ حياتى الفرح فيها قليل جدا بس نفسى اغيرها واخلى الحزن هو اللى قليل بس الحمد لله على كل حالcolor]
[color=yellow]5_ اذا اردت ان تبكي الان , فعلى من تبكي؟
على نفسى
6_ من ستختار ليمسح دموعك ؟
الانسان اللى يقدر يحبينى ويضحى علشانى هو ده اللى اختاره
7_لو خيروك بين حبيبك وبين اعز صديق فمن تختار ؟
اختيار صعب بجد والاتنين اصعب من بعض
8_ماهو تقييمك لهذا المنتدى بصراحه ؟
بجد منتدى جميله جدا وانا بحب كل اعضاءه وبحترمهم
9_ من يسكن قلبك؟
كل انسان بحترمه وبحبه

10_ هل تعتقد ان حظك سيئ؟
يعنى ساعت بحس ان حظى سيىء بس الحمد لله على كل حال
11_ هل تدخل الشات ؟
كنت والحمد لله مش بقيت بحب ادخل تانى
12_ هل هزمك حزنك في يوما من الايام؟
اه
13_ ((مستحيل انساك)) لمن تقولها ؟
للانسان عزيز عليا جدا اللى قدر يشيل من قلبى الحزن وحبنى
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟عشان عمرى ماهقدر اعوض اللى فات او ارجعه واو ندمت على اللى راح هيبقى قلت عقلبج
15_ (( انت كل شيء بحياتي )) لمن تقولها ؟
اقولها للانسان اللى انا بحبه

فاصل ونعود مع اغنية نانسى عجرم

dark_angel كتب:: لو خيروك بين حبيبك وبين اعز صديق فمن تختار ؟
مش عارفه بجد اختار مين الاختيارين اصعب من بعض
بس اكيد هختار اللى هبقى واثقه فيه انه بيقدرنى بجد

عندك الجرأه انك تقول لوحده انك معجب بيها وطبعا البنات نفس السؤال عندك الجرأه انك تقولى لشاب انك معجبة بيه؟

هل عندك الجرأه انك تقول لوحده ان شكلها وحش ؟وانتى ليكى الجرأه تقولى لشاب شكلك وحش؟

هل عندك الجرأه انك تصارح نفسك بعيوبك ؟

هل عندك الجرأه انك تصارح ابوك بعيوبه ؟

هل عندك الجرأه انك تقول لصحبك او صحبتك انا بكره فيك كذا ؟

هل عندك الجرأه انك تعمل الي انت عايزه مهما هتقابل من مشاكل ؟

هل عندك الجرأه انك تضحي بحبيبتك او حبيبك علشان مستقبها ؟

هل عندك الجرأه انك تخسر حبيبتك او حبيبيك لو غلطت فى صحبك؟

هل عندك الجرأه انك تقول الصراحه في اي
وقت واي مكان ؟

اساله خاصه جدا جدا
1- وقت الزعل بتروحى فين
2- أكثر شخص ترتاحين له وتبثين له همومك؟
3-إنسان يجيب لك الإكتئاب ؟
4-أكثر شي يفرحك ؟
5-أكثر شخص في المنتدى نفسك تقابلينه؟
6-اكتر شخص بيتحبيه فى المنتندى واكتر شخص بتكرهيه
7_ اكتر بنت بتحبيه واكتر بنت بتكرهيها
8-اكتر قسم بتحبيه فى المنتدى
9- رتبى الاعضاء التالين حسب قربهم لقلبك

MR_Mido كتب:: عندك الجرأه انك تقول لوحده انك معجب بيها وطبعا البنات نفس السؤال عندك الجرأه انك تقولى لشاب انك معجبة بيه؟لا مش عندى الجرأه انى اقول كده

هل عندك الجرأه انك تقول لوحده ان شكلها وحش ؟وانتى ليكى الجرأه تقولى لشاب شكلك وحش؟لا مش عندى

هل عندك الجرأه انك تصارح نفسك بعيوبك ؟
اه ممكن اقول لنفسى انا عيب ايه
هل عندك الجرأه انك تصارح ابوك بعيوبه ؟
لا مش عندى

هل عندك الجرأه انك تقول لصحبك او صحبتك انا بكره فيك كذا ؟لا مش عندى

هل عندك الجرأه انك تعمل الي انت عايزه مهما هتقابل من مشاكل ؟لا مش عندى اصل بخاف من المشاكل

هل عندك الجرأه انك تضحي بحبيبتك او حبيبك علشان مستقبها ؟لو هو ده الحل الوحيد اه ممكن

هل عندك الجرأه انك تخسر حبيبتك او حبيبيك لو غلطت فى صحبك؟لا مش عندى

هل عندك الجرأه انك تقول الصراحه في اي
وقت واي مكان ؟ساعت اه وساعت لآ

اساله خاصه جدا جدا
1- وقت الزعل بتروحى فين بروح اوضتى واطفى النور
2- أكثر شخص ترتاحين له وتبثين له همومك؟
مستر ميدو
3-إنسان يجيب لك الإكتئاب ؟
لا مفيش
4-أكثر شي يفرحك ؟
ان اشوف كل اصحابى وكل الناس اللى بحبهم مبسوطين
5-أكثر شخص في المنتدى نفسك تقابلينه؟
مستر ميدو ودارك وهانى
6-اكتر شخص بيتحبيه فى المنتندى واكتر شخص بتكرهيه
اكتر شخص مستر ميدو ولا مش بكره حد
7_ اكتر بنت بتحبيه واكتر بنت بتكرهيها
انا مش عرف البنات اللى فى المنتدى بس بحب مواضيع اليكس مون
لا مفيش بنت بكرها
8-اكتر قسم بتحبيه فى المنتدى
كلام فى الحب
9- رتبى الاعضاء التالين حسب قربهم لقلبك
مستر ميدو ودارك وهانى واليكس مون وملاك الليل ودى جى مزيكا وmadaوmeto

_اولا كدا ايه اخباراتك العاطفيه ................؟
_عرفينا بنفسك .....سنك ...دراستك....بلدك ...... ؟ يعنى من الاخر طلعى البطاقه والرخص ..هههه ؟
_نفسك تحققى ايه فى احلامك .....؟
_نفسك ايه اللى يتغير فى شخضيتك ....؟
_نفسك ايه اللى يتغير فى المنتدى .....؟قولى كل اللى فى نفسك متخفيش وراكى رجاله هههههههه
_انتى ...احلى حاجه فيكى ايه واوحش حاجه فيكى ...؟
_لو بتحبى اكتر حاجه بتحبيها فى حبيبك ايه ..؟ واكتر صفه نفسك تغيريها فيه ايه ...؟ مش حنقول بتكرهيها علشان مش اضرب بس هههههه ..؟
_تعتقدى بحب النت ..............؟ اة او لا ليه ....؟
_ايه رايك ان البنت تعرف شباب بصفه الصداقه وكدا .....؟ توافقى ولا ترفضى ولا ايه بالظبط ؟؟؟
_مين اكتر واحد وواحده هنا فى المنتدى تحبى تتكلمى معاهم ....؟وتشوفيهم ...؟
_مين اللى بتقوليلهم زهقت منك بجد .....؟ وبصراحه عاوزين الاسم خلى فى جراءة شويه بقى ههههههههه
_مين اللى بتقوليهم ..انت |ى احسن حد هنا فى المنتدى .....؟ شويه نفاق بقى ها ه ههههههههه
_كلمه لصاحبه الاسئله بقى ........؟
_كلمه لمشرف قسم الحب والرومانسيه ......؟
_اى كلمه عاوزة تقوليها لاى حد ف المنتدى ......؟ واحد بس وبلااااااااااااااش طمع يا بت هههههه ؟

_اولا كدا ايه اخباراتك العاطفيه ....الحمد لله كويسه ماشى الحال............؟

_عرفينا بنفسك .....سنك ..18.دراستك..2 اداب فرنساوى..بلدك ..الزقازيق.... ؟

يعنى من الاخر طلعى البطاقه والرخص ..هههه ؟ بس انا مش معايا بطاقه هههههههههه

_نفسك تحققى ايه فى احلامك نفسى انجح واخلص الكليه على خير واخد كورسات كتير وابقى كويسه فى الفرنساوى وبعد كده الشغل بقى بس لو فى .....؟

_نفسك ايه اللى يتغير فى شخضيتك .نفسى ابقى قويه مع الناس...؟

_نفسك ايه اللى يتغير فى المنتدى .لا مفيش حاجه....؟قولى كل اللى فى نفسك متخفيش وراكى رجاله هههههههه طبعا مش اخويا الكبير موجود

_انتى ...احلى حاجه فيكى ايه احلى حاجه بحب الضحك والهزار واوحش حاجه فيكى الضعف وانى اى حاجه بتأثر فيا ...؟
_لو بتحبى اكتر حاجه بتحبيها فى حبيبك ايه الطيبه ..؟ واكتر صفه نفسك تغيريها فيه ايه .العند..؟ مش حنقول بتكرهيها علشان مش اضرب بس هههههه ..؟ههههههههههههه منا هضرب معاك

_تعتقدى بحب النت ..اه............؟ اة او لا ليه عشان انا اتعلق بانسان من النت بس مش حصل نصيب....؟

_ايه رايك ان البنت تعرف شباب بصفه الصداقه وكدا .اه اوافق بس كل حاجه ليها حدود مش ينفع نتخطاها....؟ توافقى ولا ترفضى ولا ايه بالظبط ؟؟؟

_مين اكتر واحد وواحده هنا فى المنتدى تحبى تتكلمى معاهم مستر ميدو لكن واحده مش عارفه حد هنا....؟وتشوفيهم نفسى اشوف اعضاء المنتدى كله ...؟

_مين اللى بتقوليلهم زهقت منك بجد هههههههههههههه لا هيا واحده صاحبتى فى الجامعه .....؟ وبصراحه عاوزين الاسم خلى فى جراءة شويه بقى ههههههههه

_مين اللى بتقوليهم ..انت |ى احسن حد هنا فى المنتدى اليكس مون واحسن واحد هانى ودارك .....؟ شويه نفاق بقى ها ه ههههههههه

_كلمه لصاحبه الاسئله بقى اقوله ربنا يوفقه ويخليه ويكرمه يارب ويعوضه عن كل شىء راح واقوله ذاكر عشان الامتحانات قربت ........؟

_كلمه لمشرف قسم الحب والرومانسيه .عايزين مواضيع حلوه زيه.....؟

_اى كلمه عاوزة تقوليها لاى حد ف المنتدى اقول لكل الاعضاء ربنا يسعدهم ويكونوا دايما بخير ......؟ واحد بس وبلااااااااااااااش طمع يا بت هههههه

كفاية عليكى كدة انهاردة لحسن انا حاسس انك ممكن تخنقينى

وبكرة نكمل اكون حضرت شوية كمان ادى دول

فاصل كبير

بصراحة انا مش عارف اقولك اية
ربنا يقدرك على اسئلة ميدو بصراحة قايم
بالواجب ومش سيب حد يسئل انا هدعيلك ربنا معاكى
مش عارف اقولك غير ربنا معاكى
وتقبلى مرورى

هما 3 اسئلة
السؤال الاول امتى تعرفى تحبى؟
السؤال التانى متى تبكى بحرقة؟
السؤال الثالث اصعب لحظة تمر عليكى؟

hon2077 كتب:: هما 3 اسئلة
السؤال الاول امتى تعرفى تحبى؟
لما الاقي الانسان اللي يقدرني ويحبني بجد ويخاف عليا
السؤال التانى متى تبكى بحرقة؟
لما يضيع مني اعز انسان انا بحبه وبقدره
السؤال الثالث اصعب لحظة تمر عليكى؟
اصعب لحظه لما الاقي كل حاجه بحبها بتضيع مني

انا الحمد لله خلصت دورى
دلوقتى الدور على مين........... اختار مين ؟؟؟؟؟؟؟؟؟؟

هستضيف dark_angel
يلا ادخل على الكرسى بسرعه

اولا كده نحب نرحب بيك فى كرسى الاعتراف فرحة

نبدأ الاسئله جاهز يا dark_angel

اسمك؟؟؟؟
وسنك؟؟؟؟
وبلدك؟؟؟؟
ما هو برجك؟؟
هل تحب القراة واي كتاب تفضل؟؟؟
امنية لم تحققها بعد؟؟؟؟
ماهو الموقف المحرج اللى مر عليك في حياتك؟؟؟؟؟

طموحك هو...........
من هو مــثلك الأعـــلى فـــي الحياه؟؟؟؟؟؟
ماهو هدفك في الحياة؟؟؟؟
ماهو أصعب وقت مريت بيه في حياتك ؟؟
ماهو معنى الحب فى حياتك؟؟؟؟
ماذا تعنى لك كلمة الصداقه؟؟؟؟
انا مش هطول عليك جاوب على دول ولسه فى اسئله انا بس بسخن هههههههههههههههههههه

#كرسي الاعتراف# - صفحة 2 618439

كدة تعمليها فيا يا بيوتي
ههههههههه
انا جاهز يا قمر

اسمك؟؟؟؟ محمد
وسنك؟؟؟؟22 سنة
وبلدك؟؟؟؟ بورسعيد
ما هو برجك؟؟ الجوزاء
هل تحب القراة واي كتاب تفضل؟؟؟مش فاضي
امنية لم تحققها بعد؟؟؟؟ الاقي حبيب ميجرحش
ماهو الموقف المحرج اللى مر عليك في حياتك؟؟؟؟؟

طموحك هو........... افتح شركة كبيرة
مش مهم تبيع اية؟هههههه
من هو مــثلك الأعـــلى فـــي الحياه؟؟؟؟؟؟ عمي
ماهو هدفك في الحياة؟؟؟؟ انجح في شغلي
ماهو أصعب وقت مريت بيه في حياتك ؟؟ لما اللي فكرتة حبيبي جرحني
ماهو معنى الحب فى حياتك؟؟؟؟ وهم كبير واحنا بنصدقة
ماذا تعنى لك كلمة الصداقه؟؟؟؟ احلي واكبر كلمة ممكن تسمعيها ف حياتك

ايه اكتر حاجة بتحبها فى المنتدى.........
من اول قلم اعجبك في المنتدى .............
متى دخلت المنتدى ..............
متى يكون محمد سعيدا ومتى يكون حزينا ؟
ما هي برايك سلبيات المنتدى ؟
مارايك في
الصدق
الاخلاص
الحب
الوفاء
االصداقه
الحياه
ماهي اكبر مخاوفك ؟
مين اكتر شخص جرحك او زعلت منه ..وياريت موقف !
تحبي تقول كلمة (انا اسف )لمين ؟
ايه اكتر شىء ندمت عليه ؟
ايه اجمل فترة في عمر محمد وليه ؟؟
ماهي نقطة ضعف محمد؟؟؟؟؟؟
ما هو مفهوم السعادة لدى محمد ؟؟؟؟
ماسبب اختيارك لاسمك؟
مين اللي دلك على المنتدى............
مين إللي في المنتدى نفسك تشوفه؟؟؟؟؟؟

ايه اكتر حاجة بتحبها فى المنتدى.........اعضاؤه
من اول قلم اعجبك في المنتدى .............بصراحة انتي
متى دخلت المنتدى ..............من اول ما اتفتح
متى يكون محمد سعيدا ومتى يكون حزينا ؟حقيقي مش عارف لااوقات كلها زي بعضها
ما هي برايك سلبيات المنتدى ؟ الاهمال فية كتر اوي
مارايك في
الصدق
الاخلاص
الحب
الوفاء
االصداقه
الحياه
كلام موجود في حياتنا مجرد كلام معظمة مش بيتحقق
ماهي اكبر مخاوفك ؟ اني اخسر حد غالي عندي
مين اكتر شخص جرحك او زعلت منه ..وياريت موقف !
اللي كنت مفكرة حبيبي
مواقفة كتيرة ومش عايز افتكرها
تحبي تقول كلمة (انا اسف )لمين ؟ لكل شخص زعل مني بدون قصدي
ايه اكتر شىء ندمت عليه ؟ ندمان علي نفسي
ايه اجمل فترة في عمر محمد وليه ؟؟ لما كنت مع اللي جرحني
لاني كنت في وهم حبة ليا
ماهي نقطة ضعف محمد؟؟؟؟؟؟ خليها سيكرت بيني وبينك
ما هو مفهوم السعادة لدى محمد ؟؟؟؟ لما يعدي عليا يوم مفتكرش اللي خاني وجرحني
ماسبب اختيارك لاسمك؟ هو معناة الملاك المظلم

ودة لاني حاسس بالوحدة برغم اني اللي حواليا كتير
مين اللي دلك على المنتدى............ حبيب قلبي ميدو
مين إللي في المنتدى نفسك تشوفه؟؟؟؟؟؟بردة ميدو وناس تانية في خطوبتهم ان شاء الله
_________________