في يوم من الايام ونا قاعدة بتفرج على التلفزيون شفت برنامج شبابيك وكانوا مستضيفين الداعية الاسلامي((مصطفى حسني(( وكان بيتكلم عن الجنة ونعيمها وازاي الواحد ممكن يوصلها بطرق سهلة وبسيطة عشان كدا حبيت اني اعرفكوا الطرق دي و تتخيلوا معايا لو عملنا كدا هنوصل للجنة ولا......؟؟؟
طبعا كل واحد فينا يتمنى انه يدخل الجنة و كمان في مننا بيحلم و بيتمنى انه يكون مع الرسول (عليه افضل الصلاة و ازكى التسليم) واللي نفسه يبقا في الفردوس الاعلى مع الانبياء والشهدء و الصديقيين والصحابة ، بس السؤال ((ازاااااااااااااااااااااااااااااااااااااااااااااااااااي؟؟؟؟؟؟))) وكل واحد فينا يحط تحت السؤال ده ميت خط
1- حاول تكون قريب من ربنا على قد متقدر
بالصلاة؟
ايوة، بالصوم؟
ايوة، بكل اللي ربنا اننا نعمله وتعمله على اتم واكمل وجه زي ماقال رسولنا و حبيبنا محمد (صلى الله عليه وسلم):(( من عمل عملا فليتقنه))
2-طاعة الوالدين
وخلي بالك دي من الحاجات اللي في ناس كتيير قوي مش حاسه بيها
وكمان عقوق الوالدين دي من الكبائر عند الله سبحانه وتعالى
3- الرضا و القناعة بما قسمه الله تعالى
ازاي يعني؟؟
يعني لو ربنا رزقك برزق قليل ترضى بيه
رزقك من اوسع بيه تشكره
ومتجيش في يوم لو ربنا (بعد الشر عن الجميع) ابتلاك بمصيبة او محنة
تعترض على امره
وحاول تطبق قوله (صلى الله عليه وسلم):((عجبا لامر المؤمن ان امره كله خير،فان ابتلى صبر و شكر وكان خيرا له))
عملت الطرق دي ؟؟
ايوة
عملتها صح؟؟
الحمدلله
شوووووف مكافاتك من عند ربنا شكلها ازاي....
اتخيل معايا
اتخيل بقلبك قبل عقلك...
بص
احنا يوم القيامة دلوقتي
وكل واحد فينا اتحاسب على اعمله اللي عملها في الدنيا
ياااااااااااه بص؟!
انت اهو وصحبك و اختك وامك وابوك وكل اللي بتحبهم معاك اهم
عارف احنا واقفين فين دلوقتي؟؟؟
احنا قدام باب الجنة...
يااااااااااه
شامم ريحة الجنة عامله ازاي؟؟
الله ريحتها ولا المسك والعنبر
الله ياربي
ده باب الجنة باب كبييييييييير قوي
اهو النبي (عليه افضل الصلاة والسلام) مسك بحلقة الباب
بيخبط على الباب
بص ده رضوان خازن الجنة بيسال الرسول
رضوان: من انت؟
الرسول (عليه الصلاة و السلام): انا محمد بن عبدالله
رضوان: ومن معك؟؟
الرسول(عليه الصلاة و السلام): انهم عباد الله الصالحين
اهو رضوان فتحلنا الباب
ياااااااااااااااااااااااااااااااااااااااااه
ده في هوا جامد وفيه ريحة جميلة قوي
وشعرنا بيطير من قوة الهوا
اهو دخلنا
الله ياربي
دي الجنة جميلة بشكل
كلهها خضرة و بساتين وانهار وشلالات
بص بيتك اهو
وممكن يكون قصر
وياسلام وياريت كلنا نتمناها من ربنا
ان بيتنا او قصرنا يكون في نفس الشارع اللي فيه الرسول
ياسلاااااااااام
بيروي الرسول عليه افضل الصلاة و السلام للصحابة بيقلهم، لما العبد يدخل بيته وهو بيتفرج على بيته فجاة يلمح نور فيسجد يفتكره ربنا،فالنور يخاطبه يقوله انا خادم من خدمك فيشكر العبد ربه على هذه النعمة
يطلع فوق يلاقي غرف كتيييييرة اوي
يفتح اول غرفة يلاقي فيها بنت جميييييييييييييييييييييلة فيقول /لها:انتي اجمل مارات عيناي
يدخل الغرفة التانية يلاقي فيها بنت جمييييييييييييلة فيقولها: انتي اجمل مارات عيناي
وهكذا وهكذا
شفت بقا باعمال بسيطة و سهلة ووالله العظيم انها تصلح حياتنا هديتنا من عند ربنا هتكون ايه؟
اتمنى اني اكون قدرت اوصل الصورة اللي في بالي ...
منتظرة اشوف ردودكوا @@@
اسال الله عزوجل ان يدخلني واياكم الجنة و يرزقنا رزقا طيبا ويجعلنا من عباده الصالحين...
آمين يارب العالمين
موضوع: يارب نولهلنا... آميييييين يارب(ياريت كلوا يدخل ويقراه لانه فعلا يستاهل) 
الخميس سبتمبر 10, 2009 4:28 am
