جوعه وعطشه ملهوش عوزة

[center]جوعه وعطشه ملهوش عوزة

صايم وبيفطر عالبوظة
وأخوه بيسلّك في الجوزة
والتالت بيسلّي صيامه
بعمايل ناقصة ومنبوذة
يتفرّج على أفلام هابطة
مفتون بالخِلق المهزوزة
ومقضّي صيامه على القهوة
للدمنة وللعب بيهوى
بيضيّع صومه على سهوة
جوعه وعطشه ملهوش عوزة
وبنات آهي ماشية بتتدلّع
لابسة البديهات وبتتطلّع
والبطلونات اللي تشجّع
لرذيلة وقاطعاها بلوزة
وسحور راقص موش عارف ليه
وشيش رمضان برضك من إيه
وسهر للصبح ولاد الإيه
وتذاكر سينمات محجوزة
وضياع أوقات من غير داعي
لا فقير ولا مسكين بتراعي
في الخير غفلان منتاش ساعي
في اللغو رجولك مغروزة
ونسيت المصحف والجامع
ولرأي الدين منتاش سامع
كان نفسي المحفوظ يتراجع
دا كلامي بألفاظ مفروزة
دا حرام تخسر يابني الرحمة
تغفل وتضيع وسط الزحمة
وبتصريفك تضرب لخمة
مزروع قدام التلفوزة
ما تصحصح بقى قبل ما تخسر
لسة الفرصة قصادك تقدر
من قلبي بأكد وباذكّر
بطّل يا حبيبي النرفوزة

[/center]

ميرسى ليكى يا عاشقه بس نفسى اعرف يعنى ايه بيصلى صيامه؟.

سورى اسمها يسلى
غلطه مطبعيه

يعنى ايه برده؟

تسليه
والتالت بيسلّي صيامه
بعمايل ناقصة ومنبوذة
وبحاجات مش الفروض تتعمل فى رمضان