اسكت و خد على افاك

ن اس كتير بتفسر كل تصرف ساذج على أنه طيبه او شىء محبب ...
رغم ان السكوت عن الحق عمره ما كان طيبه أبدا....

مثلا لو أنت شغال محاسب فى بنك ... معاك محاسبين كتير زيهم زيك بيقبضوا زيك ويشتغلوا زيك ويتعاملوا زيك ...
لقيت واحد زميلك بيقولك روح خد الشغل اللى هناك دا كله وخلصه قبل ما يتكوم علينا ... روحت أنت قولتله من عينيا وأهو أحنا بنشيل بعض بردو ....
تانى يوم كان فى شغل زيادة قالك خده عشان نخلص ... وأنت ماشى بمبدأ نشيل بعض بردو روحت واخده ...
وهو شافك مطيع كدا وكان مكسل يكمل الشغل اللى معاه راح حاطه على مكتبك وراح نام على مكتبه ....
وبعدين وانتوا فى أتوبيس الشغل مروحين فى أخر اليوم ... كنتوا بتتكلموا كلكم سوا قام هو قايل والله دا فلان دا جدع اوى ( عليك انت يعنى ) ويعتمد عليه ... ولقيت الناس حواليك بيشكروا فيك ....
قومت فرحت بالكلمتين اللى بيتقالولك وفضلت تاخد شغله تعمله وأنت حاسس انك جدع كدا ومش حاسس أنه بيستغلك ...

أدى مثال للاستغلال تحت قناع الطيبه ... تلاقى الناس بتقول عليك جدع وبتاع شغل وهم بيستغلوك وانت مش حاسس ... وفرحان باللى بتعمله وزميلك بيديك شغله ويرتاح هو وتتعب مكانه , والناس تقولك جدع وأنت مستمر زى ما أنت ...

حاجه تانيه تبع مبدأ اسكت وخد على افاك ... التعامل بين الناس فى المنتدى هنا ...
واحد بيتكلم معاك ويناقشك فى موضوع ومتحمس لرأيه اوى .. بيقولك يالا والله مانت فاهم حاجه يخربيت غباوتك .... وانت رديت وكملت نقاش معاه وتقبلت منه الاسلوب دا ...
تفتكر بعدها لما يكلمك هيحترمك زى ما هو ولا عشان سكتتله هيبرطع ويمرمطك؟
هتاخد على افاك طبعا
الا لو رديت عليه قولتله هو انا بلعب معاك فى الشارع عشان تكلمنى بالاسلوب دا .. دى مناقشه جاده ومحترمه لو مش هتعرف تلتزم باسلوبها اسكت واحترم نفسك ...
يعنى تحسسه انه اتعدى حدوده معاك ... تخلى فى حدود للتعامل ...

مثال تالت ... أنت راجل متجوز وعندك عيلة وليك معارف وزمايل فى الشغل وبتعمل علاقات عائليه بينك وبين زمايلك
وعزمت واحد صاحبك هو وعيلته عالغدا برا او على اعده تعارف فى النادى
ولقيت مراتك بتتجاذب اطراف الحديث معاه ... مش معنى كدا انها ناوية تخونك كفا الله الشر لا مجرد كلام عادى عن الشغل والاطفال وكدا ...
وانت عادى قبلت كدا لان مفيش حاجه غلط بتحصل ... وبعدين تعالت الضحكات ... ويخرب عقلك يا ابو نسمة دحكتنى ... وكفك يا وليه ... ولقيته بيقولك دى مراتك دى ست زى العسل ...
لو عملت فيها راجل طيب رغم ان دى مش طيبه .... وقبلت الهزار دا بما واعتبرته فى حدود المعقول ...
مش بعيد بعدها تكتشف ان مراتك خانتك مع الراجل دا ....
لكن لو عملت حد للكلام ... باسلوب محترم ... اتدخلت بينهم وقولت بلباقه كلمتين يخلوهم يحسوا انهم زودوها
وخليت الحديث ما بين الكل مش بينهم هم الاتنين بس ... هتلاقى اليوم مشى زى الفل

جيبت امثله مختلفه لناس بتسكت لانهم ميعرفوش يقولوا لأ او مش شايفين سبب لانهم يقولوا لا
بيتاخد منهم حقهم وهم مش حاسين او عارفين ومش ممانعين كدا
وبيتقال عليهم ناس طيبين ... بذمتكم فى حاجه من الامثله اللى فوق دى ينفع تتسمى طيبه؟
لا دى سذاجه انك تسمح لاى حد يتعدى حدوده معاك
متعتبرش كل تنازل لاى شخص طيبه
الطيبه مش غلط فى الزمان دا ولا الطيب بيتاكل ... بس الناس بتقول على كل حاجه هبله بتتعمل طيبه ودا اللى

MR_HeMa كتب:

100 100

شكرا على مرورك الجميل