صفات الينت المصرية (لول)

نظرا للمواضيع الاخيره من الجنس الخشن قصدى الناعم (خطأ املائى مقصود) فى منتدانا الجميل

لازم برضه نعمل وقفه .... وقفه م اللى هى دى

وموضوعى انهارده عن صفات البنت المصرية

وربنا يسترها يا رب

الصفه الاولى
اللسان

البنت المصريه ربنا واخد منها كل حاجه ومديها لسان زى الحربايه والعياز بالله

لو فكرت انك تتريق على واحده اكيد مش هتسلم من لدغته يلا تستاهل
وخاصه لو كانت عامله التحجيبه سبانش
احذر من دول

الصفه التانيه
التناكه

البت من دول تلاقيها مناخيرها فى السما .. على ايه يعنى !!
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه ( نقح ) عليها .. حلوة نقح دي
وفاكراك عاوز تكلمها على اساس ان خلاص يعنى مفيش غيرها فى الدنيا !!
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا
يا دوب بس تحسسك ان فى كائن جنبك

تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرا وكلام فارغ وهى هتستهبل وتعمل انها مصدقه ال يعنى مفيش طلبه غيرها فى الدفعه !! هيء

ناس تنرفز والله يا اخى !!


الصفه التالته
الشياكه


الشهاده لله يعنى البنات دلوئتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده فى وسط البلد عندنا اعرفها
اسألها ياخويا رايحه فين قالتلى رايحه اشترى ميك آب
يا حاجه داحنا فى رمضان !!
تقولك بس بكره الكليه
اه اذا كان كدا معلش
LOOOL

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا !

يمكن يا عم متتشائمش

الصفه الرابعه
احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد ....................... ناس تانين ؟ !!



بس العرق الفرعونى (نقح) عليا فى الايام اللى فاتت وافتكرت السبب ..
فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم !!

الصفه الخامسه
الاجتماعيه

البنت المصريه اجتماعيه بدرجه جيد جدا
فى ثانيه كدا تلاقيها رمت ودنها فى اى حوار ومتسيبوش الا ما تجيب اخره
وطبعا بأجتماعيتها دى بتعرف تجيب اطراف الموضوع من كل الناس

والله ياهيما كلامك صح وكله حيكم يا استاذ هيما يا جامد

100 100

هههههههههههههههههههههههههه
والله يابنى انت جبت من الاخر هما دول فعلا

لا مقولنش احنا مليكة يا مورااااااااا بس البنات يعنى بيستعبطو شوية اكتر من الصبيان

احترامى لك يا هيما على الموضوع الجامد دة

الموضوع دة اخر حاجة
ومعلش يا بنات
والتقيل جااى ورا

نورتو الموضوع يا جماعة

وميرسى كتير